GUSL KA BAYAAN

[Atiq Husain Khan]

GUSL KA BAYAAN 

🚨Gusl ke Farz hone ke Asabaab Aur Hadees baad me likhi Jayengi pahle Gusl ki haqeeqat bayan
ki jayegi.

⚠Gusl ke 3 Juz hain agar Unme se ek me bhi Kami hui to Gusl na hoga chahe Yuin kaho ki gusl ke 3 farz hain.

1⃣Kulli karna:

🚨Muh ke Har purze Goshe hont se Halaq ki Jarh tak har jagah pani bah jaye Aksar log Yeh jante hain ki thoda sa Pani Muh me lekar Ugal dene ko Kulli kahte hain Agarche Zuban ki jarh aur halaq ke Kinare Tak na Pahunche, Aise gusl na hoga, Na is tarah nahaane se

✨Balki Farz hai ki daarhon (Muh me jahan tak pani ja sake) ke Peeche Gaalon ki Tah me Daanton ki Jarh aur khidkiyon me zuban ki har karwat me halaq ke kinare tak pani bah jana chahiye.
⚠Mas'ala :-

🚨Daanton ki Jarh me ya Khidkiyon me koi aisi cheez Jamee ho jo pani bahne se Roke to Uska Chhurhana Zaroori hai Agar chhurhane me Nuqsan na ho jaise chhaale ke dane.
✨Gosht ke Reshe aur agar Chhurhane me Nuqsan aur Haraj nhi ho jaise bahut paan khane walon se daanton me Choona Jam jata hai ya Auraton ke Daanton me Missee ki Rikhein ki unke chhilne me daanton ya Masoorhon ke Nuqsan ka khatra hai to Maaf hai.

🚨Aise hi hilta Hua daant Taar se ya Ukhda hua daant kisi Masaale wagairah se jamaya gaya ke neeche na bahe to Maaf hai Ya khane ya paan ke daag daant me rah gaye ki uski nigaahdasht (dekh rekh) me to haraz nhi.

✨Haan maloom hone ke Baad usko juda karna aur Dhona zaroori hai jabki unki wajah se pani pahunchne me rukawat ho.

2⃣Naak me pani daalna :

🚨Yani 2no Nathno me jahan Tak Narm Jagah hai dhulna, Ki pani ko Soongh kar upar chadaye baal barabar bhi dhulne se na rah jaye, Nhi to gusl nhi hoga Agar
Naak ke andar Renth sukh gai hai to uska chhudana farz hai.

✨Bulaak ka suraakh agar band na ho to usme pani pahunchana zaroori hai fir Agar tang hai to bulaak ka Hilana zaroori hai warna nhi.

3⃣Tamaam badan par pani bahana :

🚨Yani Sar ke baalon se Paao'n ke Talwo Tak jism ke har purze har Roungte par pani bah jana Farz hai,
Ek baal Bhi Sukha Raha to Gusl Na hoga.

✨Aksar log Balki kuch pade likhe log yeh karte hain ki sar Par Pani Daal kar jism me hath Fer lete hain, Aur samajhte hain ki Gusl ho gaya.

🚨Halanki Kuch Uzw aise hain ki Jab Tak Unki khaas Tour Par Ihtiyat Na Ki Jiye to nhi dhulenge aur gusl na hoga lihaza Agle post par Tafseel se likh diya jayega.

⚠Gusl ki khas baatein...

🚨Sar ke baal Gundhe na hon to har baal par jarh se Nok tak pani bahna aur Gundhe hon to Mard Pe Farz hai ki unko khole Jad se nok tak pani bahaye aur Aurat par
Sirf jad tar kar lena zaroori hai kholna zaroori nhi,

✨Ha cahoti itni sakht Gundhee ho ki bina khole jad tar (bheegega) nhi hogi to kholna zaroori hai,

🚨Kaanon me Bali Wagairah zewaron ke surakh ka wohi hukm hai jo Naak me Nath ke soorakh ja hukm wuzoo me byan hua

📗Bahare shari'at

✨Bhawon aur Moonchhon aur Dadhi ke baal ka jad se nok tak aur Unke NeeChe ki khaal ka Dhulna zaruri hai..

🚨Kaan ka har purza aur Uske surakh ka muh dhona zaroori hai..

✨Kaanon ke peechhe ke baal hata kar pani bahayein..

🚨Thoddi aur gale ka jod ki bina uh Uthaye na dhulega..

✨Bagalein bina hath uthaye na dhulengi,

🚨Baazu ka har pahloo..

✨Peeth ka har zarra,

🚨Pet ki Baltein utha kar dhoye..

✨Naaf ko Ungli daal kar dhoye jab ki pani bahne me shak ho..

🚨Jis ka har roungta jad se lekar nok tak dhoye,

✨Raan aur parhu ka jod,

🚨Raan aur pindalee ka jod jab tak baith kar nahaaye,

✨2no chootash ke milne ki jagah khas kar jab khade hokar nahaaye,

🚨Raanon ki golaai,

✨Pindaliyo ki karwateim dhoye,

🚨Zakar (Penis) Aur Foton ke be beech ki milne ki jagahein bina jooda kiye na dhoolengi,

✨Foton ki neechli satah jod kar dhoye,

🚨Foton ke neeche ki jagah jod tak,

✨Jiska khatna na hua ho to Agar Khaal chad sakti ho to chadakar dhoye warna khaal ke andar pani chadaye,
Auroton ko khaas kar yeh ehtiyaat zaroori hai,

🚨Auraton ko pistaan aur pet ke jod ki dhari par pani bahana,

✨Aurat apne peshab ke bahar ki jagah, har konein, har tukrhe neeche upar dhyan se dhoye,

🚨Aise hi Aurat Agar Haiz Aur Nifaas se Farig Hokar Gusl Karti Hain to Ek purane Kapde se andar ke khoon ka asar saaf kar lena mustahab hai

✨Mathe par Afsha lagaya ho to uska chhudana zaroori hai.

📕BAHARE SHARI’AT

🚨ALLAH T'ALA farmata hai"Agar Tum junub ho to Khoob Paak ho Jaao" Yani Gusl
Karo aur Farmata hai"

✨Yahan tak ki woh Haiz wali Auratein Achi Tarah Paak ho Jayein"

🚨ALLAH T'ALA aur Faramata hai"
Aye Imaan Walo Nashe ki Haalat me Namaaz ke qareeb na jaao Yahan tak ki samajhne lago jo kahte ho aur Janaabat ki haalat me jab tak Gusl na kar lo.

✨Safar ki Haalat me ki Wahan Pani Na Mile to Gusl ki Jagah Tayammum hai"

✅HADEES NO.1:-

🚨Sahih bukhari wa Muslim me HAZRATE AAISHA SIDDEEQUA RADIYALLAHUT'ALA ANHA se riwayat ki gai hai ki,

✨HUZOOR E AKRAM SALLALLAHU T'ALA ALEIYHI WASALLAM Jab {AAP} Janaabat ka gusl Farmate to Shuru'aat aise karte ki pahle hath dhote

🚨Fir Namaaz ka sa Wuzoo karte Fir Ungliyaan pani Me Daal Kar Unse Baal ki Jarhe Tar Farmate Fir Sar Par 3 Baar Pani Daalte Fir Tamaam Jild Par Pani bahate.

📕BAHARE SHARIAT

✳HADEES NO.2

🚨Inhi kitaabon me IBNE ABBAS RADIYALLAHU T'ALA ANHU se marwi hai ki Ummul Momineen HAZRATE MEMOONA RADIYALLAHU T'ALA ANHA ne
Farmaya,

✨HUZOOR E AQDAS SALLALLAHU T'ALA ALEIYHI WASALLAM ke Nahaane ke liye Maine Pani Rakha Aur Kapde se Parda kiya HUZOOR Ke hatho par pani dala aur Unko Dhoya.

🚨Aur Fir Pani Dalkar Hatho ko Dhoya fir Dahine hath se Baayein par pani daal kar Istinja Farmaya fir Hath Zameen par Maar kar Hath Malaa aur Dhoya..

✨Fir Kulli Ki Aur Naak Me Pani Dala Aur Muh aur Hath Dhoye Fir sar par pani dala aur Tamaam Badan Par Bahaya Fir us jagah se alag hokar Paao'n Mubarak Dhoye,

🚨Uske baad Maine (badan pochhone ke liye) ek kapda Diya to HUZOOR ne na Liya Aur hath ko Jhadte hue Tashreef le gaye.

📕BAHARE SHARIAT

✳ HADEES NO. 3 :-

🚨 BUKHARI WA MUSLIM me UMMUL MOMINEEN AYESHA SIDDEEQA RADIHIYALLAHU T'AALA ANHA se riwayat hai ki Ansaar ki ek aurat Rasool Allah ﷺ se haiz ke baad Nahaane Ke Baare me Sawal Kiya HUZOOR ﷺ Ne Gusl ka Tareeqa Bataya fir Farmaya Mushk Laga hua kapde ka ek Tukda lekar us se tahaarat kar.

✨ Usne arz kiya kaise Tahaarat Karuin ?

🚨 Aap ﷺ ne Farmaya SUB'HAN ALLAH usse Tahaarat kar UMMUL MOMINEEN farmati hain ki maine use apni taraf khinch kar kaha ki usse khoon ka asar saaf kar.

📕 BAHARE SHARIAT

✳ HADEES NO. 4 :-

✨ IMAAM MUSLIM ne UMMUL MUSLAMEEN UMME SALMA RADHI ALLAHU T'AALA ANHA se Riwayat ki Farmati hain ki Maine Arz kiya YA Rasool Allah ﷺ Main Apne sar ki choti Mazboot Gundhti huin to kya Gusle Janaabat ke liye use khol daaluin ?

🚨Aap ﷺ ne Farmaya nhi Tujhko yehi kifayat karta hai ki 3 lapp pani daal le fir apne upar Bahaa le Paak Ho Jayegi yani jabki baal ki jarhe Tarr ho jayein aur agar itni sakhti se gundhti ho ki jarho tak pani na pahunche to kholna farz hai.

📕 BAHARE SHARIAT

✳ HADEES NO.5

🚨 ABU DAUD IBNE MAJA Aur TIRMIZI ABOO HURAIRA RADHIYALLAHU T'ALA ANHU se riwayat karte hain HUZOOR E AKRAM ﷺ Farmate hain ki har Baal ke Neeche Janaabat hai to Baal Dhowo aur jild saaf karo.

📕BAHARE SHARIAT

✳ HADEES NO .6

✨ ABOO DAAUD ne HAZRATE ALI RADHIYALLAHU T'ALA ANHU se riwayat ki hai ki HUZOOR E AKRAM ﷺ farmate hain ki jo shakhs gusle Janaabat me ek baal ki jagah be Dhoye chhorh Dega aap me Aisa Aisa kiya jayega (Yani Azaab diya Jayega)

🚨 HAZRATE ALI RADIALLAHU TA'ALA ANHU Farmate hain ki isi wajah se maine Apne sar ke Sath Dushmani kar li, 3 baar yehi Farmaya Yani sar ke baal Munda Daale ki baal ki wajah se koi jagah sukhi na rah jaye.

📕 BAHARE SHARIAT

✳ HADEES NO. 7 :-

✨ Asahabe Sunne Arba'aa ne UMMUL MOMINEEN SIDDEEQUA RADIYALLAHU T'ALA ANHA se riwayat ki hai ki HUZOOR E AQDAS ﷺ gusl ke baad wuzoo nhi farmate.

📕 BAHARE SHARIAT

✳ HADEES 8 :-

🚨 Aboo daaud ne HAZRATE YALA RADIYALLAHU T'ALA ANHU se riwayat ki, ki RASOOLULLAH ﷺ Ne ek Aadmi ko Maidan me Nahaate Dekha fir mimber par Tashreef le Jaakar ALLAH ki hamd wa sana ke baad Farmaya ki ALLAH T'ALA hayaa Farmane wala aur pardaposh hai,

✨ Hayaa aur padra karne ko dost rakhta hai, Jab tum me se koi nahaaye to use parda karna lazim hai.

📕 BAHARE SHARIAT

✳ HADEES NO 9 :-

🚨 Bahut si kitaabon me Bahut se SAHABA E KIRAM se riwayat hai ki HUZOOR E AQDAS SALLALLAHU T'ALA ALEIYHI ASALLAM Farmate hain ki jo ALLAH aur Peechhle din (Qayamat) par Iimaan laya Hammaam (Taalaab Wagairah) me bagair Tahband na jaye aur jo ALLAH Aur Peechhle din par Imaan laya apni Biwi ko hammaam (Taalaab Wagairah) me na bheje.

📘 BAHARE SHARIAT

✳ HADEES NO. 10 :-

✨ UMMUL MOMINEEN AYESHA SIDEEDIQA RADIYALLAHU T'ALA ANHA ne Hammaam Me jane ke Bare me SARKARE MUSTAFA SALLALLAHU T'ALA ALEIYHI WASALLAM se poochha, 🚨 Aap Farmate hain " ✨ Auraton ke liye Hammaam Me khair nhi, Arz kiya, 🚨Tahband bandh kar jati hai? ✨ Aap ne Farmaya Agarche Tahband Kurte aur Audnee( DUPATTE) ke sath jayein.

🚨 BUKHARI WA MUSLIM me Riwayat hai ki UMMUL MOMINEEN UMME SALMA RADHIYALLAHU T'AALA ANHA Farmati hain ki UMME SALMA RADHIYALLAHU T'ALA ANHA ne arz kiya ki YA RASOOLULLAH ALLAH T'ALA Haq Bayaan karne se hayaa Nhi Farmate to kya jab Auraton ko Aihtalaam ho to us par nahana hai?
Farmaya haan jabki pani (Manee) dekhe,

✨ UMME SALMA RADHIYALLAHU T'ALA ANHA Ne Muh Dhanp liya aur Arz kiya YA RASOOLULLAH SALLALLAHU T'ALA ALEIYHI WASALLAM Kya Auraton ko aihtalaam hota hai ?
🚨 Aap ne farmaya haan Aisa na hota to kia wajah se bacha maa ki tarah hota.

🔵 FAAIDA :-

✨ UMMAHATUL MOMINEEN ko ALLAH T'ALA ne HUZOOR E AKRAM SALLALLAHU T'ALA ALEIYHI WASALLAM ki khidmate Aaliya me Haziree se pahle bhi ihtilaam se Mahfooz Rakha tha.

🚨 Isi liye ki ihtilaam me shaitan ka Dakhal Deta hai aur shaitan ki Mudaakhilat se Azwaaje Mutahharat Paak hain isi liye unko HAZRATE UMME SALMA ke is sawaal par Ta'ajjub hua.

📘 BAHARE SHARIAT

❇ HADEES NO. 11 :-

🚨TIRMIZI me HAZRATE AAISHA SIDDEEQA RADHIYALLAHU T'ALA ANHA se riwayat hai ki HUZOOR E AQDAS SALLALLAHU T'ALA ALEIYHI WASALLAM farmate hain ki Mard ke khatne ki jagah (Hafsha) Aurat ke Maqaam me Gaayeb ho jaye to Gusl wajib ho jayega.

📘BAHARE SHARIAT

❇HADEES NO. 12 :-

🚨ABOO DAAUD aur TIRMIZI HAZRATE AAISHA SIDDEEQA RADHIYALLAHU ANHA se Riwayat karte hain ki HUZOOR E AKRAM SALLALLAHU T'ALA ALEIYHI WASALLAM se sawaal hua ki Mard Taree Paye aur Ihtilaam yaad na ho,Farmaya gusl kare..

✨Aur Us Aadmi ke Bare me Poochha Gaya ki Khawaab ka yaqeen hai aur taree (Asar) na pata, Farmaya us Par Gusl nhi,

🚨UMME SALMA ne Arz kiya ki Aurat Taree ko Dekhe to us par gusl hai? Farmaya Haan Auratein Mardon ki tarah hain.

📘BAHARE SHARIAT

❇HADEES NO. 13 :-

🚨SAHI BUKHARI aur MUSLIM me ABDULLAH IBBE UMAR RADHIYALLAHU T'ALA ANHUMA se riwayat hai ki HAZRATE UMAR RADHIYALLAHU T'ALA ANHU ne HUZOOR SALLALLAHU T'ALA ALEIYHI WASALLAM se Arz kiya Unko Raat me Nahaane ki Zaroorat ho jati hai,

✨Farmaya Wuzoo kar lo aur Tanaasul (Penis) Dho lo Fir so jaao.

📘BAHARE SHARIAT

❇HADEES NO. 14 :-

🚨BUKHARI aur MUSLIM me HAZRATE AAISHA SIDDEEQA RADHIYALLAHU T'ALA ANHA se Riwayat hai ki Farmati hain ki NABI E KARIM SALLALLAHU T'ALA ALEIYHI WASALLAM ko Jab Nahaane ki Zaroorat Hoti aur khane ya sone ka Irada karte to Namaaz ki tara wuzoo karte.

📘BAHARE SHARIAT

❇HADEES NO. 15 :-

🚨MUSLIM me ABOO SAEED KHUDRI RADHIYALLAHU T'ALA ANHU se riwayat hai ki HUZOOR SALLALAHU T'ALA ALEIYHI WASALLAM ne Farmaya ki Jab Tumme koi Apni Biwi ke Paas jaa kar Dubaraa jana chahe to wuzoo kar le.

📘BAHARE SHARIAT

❇HADEES NO. 16 :-

🚨TIRMIZI IBNE UMAR RADHIYALLAHU T'ALA ANHU se Riwayat karte hain ki RASOOLULLAH SALLALLAHU T'ALA ALEIYHI WASALLAM ne Farmaya Haiz Wali, Junubi Auratein Qur'aan se kuch na padhe.

📘BAHARE SHARIAT

❇HADEES NO. 17 :-

🚨ABOO DAAUD ne UMMUL MOMININ SIDDEEQA RADHIYALLAHU T'ALA ANHU se riwayat ki, ki HUZOOR E AQDAS SALLALLAHU T'ALA ALEIYHI WASALLAM ne farmaya ki un Gharon ka Rukh Masjid se Fer do ki Main Masjid ko aur Junubi (jinko nahaane ki zaroorat ho ) Auraton ke liye halaal nhi karta.

📘BAHARE SHARIAT

❇HADEES NO. 18 :-

🚨ABOO DAAUD ne HAZRATE ALI RADHIYALLAHU T'ALA ANHU se riwayat ki ki HUZOOR E AKRAM SALLALLAHU T'ALA ALEIYHI WASALLAM farmate hain ki

✨Malaaika us ghar me nhi jate jis ghar me Tasweer, Kutta aur Junubi (napaak shakhs) hon.

📘BAHARE SHARIAT

❇HADEES NO. 19 :-

🚨AMMAR IBNE YASIR RADHIYALLAHU T'ALA ANHUMA ki RASOOLULLAHU SALLALLAHU T'ALA ALEIYHI WASALLAM ne farmaya ki farishte 3 shakhs ke qareeb nhi hote,

1⃣ Kafir ka murda,

2⃣ Khulooq (Yeh ek tarah ki khushboo zaafran se banaai jati hai)

3⃣ Junubi (napaak shakhs) Magar Yeh ki wuzoo kar le.

📘BAHARE SHARIAT

❇HADEES NO. 20 :-

🚨IMAAME MAALIK ne riwayat ki, HUZOOR E AQDAS SALLALLAHU T'ALA ALEIYHI WASALLAM ne jo khat AMR IBNE HAZM ko likha tha Usme yeh tha ki Qur'aan na chhue Magar Paak shakhs.

📘BAHARE SHARIAT

❇HADEES NO. 21 :-

🚨IMAAM BUKHARI aur IMAAME MUSLIM ne IBNE UMAR RADIYALLAHU T'ALA ANHUMA se riwayat ki, ki RASOOLULLAH SALLALLAHU T'ALA ALEIYHI WASALLAM ne farmaya ki

✨Jo juma'e ko aaye to
chahiye ki woh gusl kar le.

📘BAHARE SHARIAT

GUSL KI SUNNATEIN

🚨Gusl ke masaail ke baad ab Gusl ki Sunnatein Likhi Jati hai

✨Gusl ki niyat karna,

🚨Pahle 2no hathon ko gatto tak 3-3 baar dhona,

✨Chahe najaasat ho ya na ho, Peshaab pakhane ki jagah ki jagah dhona,

🚨Badan Par jahan kahin Najaasat ho Usko door karna,

✨Fir namaaz ki tarah wuzoo karna magar paao'n nhi dhona chahiye, haan agar chouki ya patthar ya takhte par Nahaaye to paao'n dho le,

🚨Fir pure badan par Tel (oil) ki tarah pani chuparh le khaas kar sardi ke Mousam me,

✨Fir 3 baar daahine (right) kandhe par pani bahaye,

🚨Fir Baayein (left) kandhe par 3 baar,

✨Fir sar (Head) aur tamam badan par 3 baar pani bahaaye,

🚨Fir nahaane ki jagah se alag hat kar agar paao'n nhi dhoye the to ab dho le,

✨Nahaane me qibla rookh na ho,

🚨Tamaam badan (body) par hath fere,

✨Tamaam badan ko male,

🚨Aisi jagah Nahaaye ki use koi na dekhe aur Agar yeh na ho sake to Naaf se Ghutne Tak ka Chhipana zaroori hai

✨Agar itna bhi na ho sake to tayammum kare magar aisa kam hota hai,

🚨Gusl me kisi tarah ki baat na kare,

✨Aur na koi duaa pade, Nahaane ke baad Touliya ya Roomal se Badan PooCh Daale to koi haraz nhi,

✅Mas'ala :-

🚨Gusl Khane ki chhat na ho ya Nange Badan Nahaaye basharte ki Ihtiyaat ki jagah ho to harz Nahi.

✨Haan Auraton ko Bahut Zyada Ihtiyaat ki zaroorat hai,

🚨Auraton (Womans) ko Baith kar nahana behtar hai,

✨Nahaane ke baad fouran kapde pahan le Jitni Cheezehn Wuzoo me Sunnatein aur Mustahab hain utni hi nahaane me bhi hain Magar Shatr khula ho to Qible ko muh karna nhi chahiye

🚨Aur tahband ho to harz nhi.

⚠JAHA TAK HO SAKE GUSL KARTE WAQT QIBLA RUKH KARNE SE BACHE.....

📘BAHARE SHARIAT

♈GUSL KIN CHEEZON SE FARZ HOTA HAI ?

🚨Manee ka Apni jagah se shahwat (sambhog, humbistari karne ki khawahish ki haalat ko shahwat me hona kahte hain) ke sath juda ho kar uzw se Nikalna Gusl ke Farz hone ka sabab hai,

✅Mas'ala :-

✨Agar Manee Shahwat ke sath juda na Hui Balki Bojh Uthaane ya Unchaai se Girne ki wajah se nikali to Gusl wajib nhi haan wuzoo jata rahega,

✅Mas'ala :-

🚨Agar manee Apni Jagah se shahwat ke sath Nikali magar us Aadmi ne Apne Aale ko zor se pakad liya ki bahar na Nikali fir shahwat khatm hone ke baad chhorh diya ab manee bahar hui to Agarche Manee ka Bahar Nikalna shahwat se na hua magar chunki apni jagah se shahwat ke sath nikali lihaaza Gusl wajib hai isi par amal hai,

✅Mas'ala :-

✨Agar Manee kuch Nikali Aur Peshab Karne ya 40 Qamad chalne se pahle Nahaa liya aur Namaaz Padhi Ab Baqi Manee Nikali to Nahaana zaroori hai,

🚨KYU ki yeh Usi Manee ka Hissa hai jo Apni jagah se shahwat ke sath juda hui thi Aur Pahle jo Namaaz padhi thi ho gai usko loutane ki zaroorat nhi,

✨Aur Agar 40 Qadam Chalne Ya Peshab karne ya Sone ke baad Gusl kiya fir Manee Bilaaa Shahwat ke nikali to Gusl zaroori nhi aur yeh pahli ka baaqya nhi kahi jayegi,

✅Mas'ala :-

🚨Agar Manee Patali hi Gai ki peshab ke waqt ya waise hi kuch Qarte Bila shahwat Nikalaaye to Gusl Wajib nhi Albatta Wuzoo Toot jayega.

📘BAHARE SHARIAT..

♈GUSL KIN CHEEZON SE FARZ HOTA HAI ?

✅Ihtilaam..


🚨Yani sote (sleep) se utha aur Badan ya Kapde par Taree Paai aur us Taree ka Manee ya Mazee hone ka Yaqeen Ya Shak ho to Gusl Wajib hai..

✨Agarche Khawaab yaad na ho Aur agar yaqeen hai ki yeh Manee Nhi hai aur na Maze Balki Pashina ya Wadee ya kuch aur hai to Agarche Ihtilaam yaad ho aur Inzaal (Yani manee ka nikalna) ka Mazaa Dhayaan me ho Gusl nhi aur Manee na hone par Yaqeen karta hai aur Mazee ka shak hai to Agar Khawaab me Ihtilaam yaad Nhi to Gusl Nhi Karna hai,

✅Mas'ala :-

🚨Agar ihtilaam yaad hai Magar Uska koi Asar kapde Wagairah par nhi to gusl wajib nhi,

✅Mas'ala :-

✨Agar sone se pahle Shahwat Thi aur Zakar Khadha tha Ab jaga aur Ihtilaam ka Asar paya aur Mazee hone ka zyada guman hai aur Ihtilaam Yaad nhi to Gusl Wajib Nhi aur jab tak Uske Manee hone ka yaqeen na ho jaye aur agar sone se pahle shahwat hi na thi ya thi Magar sone se pahle dab Chuki thi aur jo Nikala use Saaf kar chuka tha to manee ke Yaqeen ki zaroorat nhi Balki Manee ke Shak se hi Gusl Wajib ho jayega,

🚨Yeh Mas'ala zyada waaqe hota hai aur log isse Bekhabar hain is liye is cheez ka dhayaan rakhna zaroori hai,

✅Mas'ala :-

✨Beemari wagairah se Behoshi Aai ya Nashe me Behosh Hua aur Hosh aane ke baad kapde yaa badan par Mazee Mili to Wuzoo Wajib hoga gusl nhi..

🚨Aur sone ke baad aisa Dekha to Gusl wajib hai Magar usi shart par ki sone se pahle shahwat na thi,

✅Mas'ala :-

✨Kisi ko khawaab hua aur Manee bahar na nikli thi ki aankh khul gai aur Aale ko Pakad liya ki Manee bahar na hui fir jab tezi Jati Rahi chhorh diya ab Nikali ti gusl wajib ho gaya,

✅Mas'ala :-

🚨Namaaz me Shahwat thi aur Manee Utarti Maloom hui magar abhi bahar na nikali thi ki Namaaz puri ho gai ab Nikali to Gusl wajib hoga Namaaz ho gai,

✅Mas'ala :-

✨Khadhe Baithe ya chalte hue so gaya Jab aankh khuli to Manee Paai Aisi Soorat me gusl wajib hai,

✅Mas'ala :-

🚨Raat me ihtilaam hua jaga to Asar na Paya Wuzoo kar ke Namaaz padh li Ab uske baad manee nikali to gusl wajib ho gaya lekin Namaaz ho gai,

✅Mas'ala :-

✨Aurat ko khawaab hua to Jab tak Manee farj (Aurat ke Peshaab ki jagah) ke andar se na nikala gusl wajib nhi,

✅Mas'ala :-

🚨Mard aur Aurat ek 4paai par soye aur Uthne ke baad Bistar par Manee paai Gai aur Unme se har Ek ihtilaam ka inkarkarta hai to Munasib hai ki 2no gusl kar le yehi sahi hai,

✅Mas'ala :-

✨Agar ladka ihtilaam ke sath balig hua to us par gusl wajib hai.

📘BAHARE SHARIAT

♈GUSL KIN CHEEZON SE FARZ HOTA HAI ?

🚨Hafsha Yani zakar ka sar Aurat ke Aage ya Peechhe Ya Mard ke Peechhe dakhil hua to 2no par Gusl Wajib hai chahe shahwat ke sath ho ya bagair shahwat ke,...

✨Inzaal ho Ya na ho (Yani Manee Nikali ho ya na nikali ho)

🚨Shart yeh hai ki 2no Mukallaf yani Aaqil Aur Baalig Hon aur agar ek baalig ho to us baalig par Farz hai aur Nabaalig par Farz nhi,

✨Fir bhi Gusl ka Hukm Diya jayega jaise mard baalig hai aur ladki Nabaaliga to mard par Gusl farz hai aur Nabaaliga ladki ko bhi Nahaane ka hukm hai aur Aurat baaliga hai to aurat par farz hai aur ladke ko bhi nahaane ka hukm diya jayega,

✅Mas'ala :-

🚨Agar Hafsha kaat dala ho to baqi Uzw me ka agar hafshe ki Miqdaar Daakhil ho gaya jab bhi wohi hukm hai jo Hafsha Dakhil hone ka hai,

✅Mas'ala :-

✨Agar Choupaya ya Murda Ya Aisi Chhoti ladki se ki jiski Misl Mubaasharat na ki jaa sakti ho Agar Mubaasharat kiya to jab tak inzaal na ho Gusl wajib nhi,

✅Mas'ala :-

🚨Aurat ki Raan me Jimaa Kiya aur Inzaal ke Baad Manee Farz me gai ya Kunwari se kaam kiya aur Inzaal bhi ho gaya magar Bakaarat ka parda nhi fataa to Aurat par Nahaana wajib nhi,

✨Haan agar Aurat ke hamal rah jaye to Ab Gusl Wajib hone ka Hukm hai aur Mubaasharat ke waqt se jab Tak Gusl na Kiya hai us par Tamaam Namaazon ka Dohrana Zaroori hai,

✅Mas'ala :-

🚨Aurat ne Apne farj me Unglee ya Jaanwar ya murde ka zakar ya aur koi cheez Rubbar ya Mitti wagairah ki koi cheez zakar ki Tarah bana kar Daala to Jab tak Manee na Nikale GusL wajib nhi,

✨Agar Jinnat Aadmi ki Shakl Bana kar Aaya aur Aurat se Jimaa kiya to Hafshe ke Gaayab hote hi Gusl wajib ho jayega,

🚨Agar Aadmi ki Soorat me na ho to Aurat ka jab tak Inzaal na ho Gusl wajib nhi,

✨Aise hi agar mard ne pari se jimaa kiya aur woh us waqt insaani soorat me nhi to bagair inzaal ke gusl wajib nhi,

🚨Aur insani shakl me hai to sirf Hafsha ke gaayab hone se hi gusl wajib hi jayega,

✅Mas'ala :-

✨Jimaa ke Gusl ke baad Aurat ke Badan se mard ki Baqi Manee Nikli to Usse gusl Wajib nhi hoga Albatta wuzoo jata rahega.

📘BAHARE SHARIAT

♈GUSL KIN CHEEZON SE FARZ HOTA HAI ?

🚧FAAYDA :-

🚨Nahaana farz ho usko Junub aur us Asabaab (Wajahon) ko janaabat (Napaaki ki haalat) kahte hai.

✨Haiz se paak hona,

🚨Bachcha Paida hua aur khoon bilkul na aaya to sahi yeh hai ki Gusl wajib hai...

✅Mas'ala :-

✨Kafir mard aur Aurat par Nahaana Zaroori tha isi haalat me 2no Musalman hue to sahi yeh hai ki unpar gusl wajib hai,

🚨Haan Agar Islam lane se pahle Gusl kar chuke hon ya kisi tarah tamaam badan par pani bah gaya ho to sirf naak me upar tak pani chadana kafi hai,

✨KYU ki yehi woh cheez hai jo kafiron se adaa nhi hoti,

🚨Pani ke bade bade ghunt pine se kulli ka farz Adaa ho jata hai aur agar yeh bhi baqi rah gaya ho to use bhi kare,

✨Garaz jitne aaza (jism ka har hissa) Gusl me dhulna farz hai,

🚨Jimaa (Humbistaree) wagaira asbaab ke baad agar woh sab kufr ki haalat me hi Dhul chuke the to islam lane ke baad dobara Gusl zaroori nhi warna jitna hissa baqi ho utne ko dho lena..

✨Farz aur Mustahab to yeh hai ki islam ke Baad pura gusl kare.

✅Mas'ala :-

🚨Musalman Mayyat ko Nahlaana Musalmano par Farze Kifaaya hai Agar ek ne nahla diya to sabke sar se Utar gaya aur Agar kisi ne nhi nahlaya to sab gunahgaar honge,

✅Mas'ala :-

✨Pani me Musalman ka Murda Mila Uska bhi Nahlana farz hai fir Agar nikaalne wale ne gusl ke iraade se murde ko Nikaalte waqt gota diya to Gusl ho gaya nhi to ab nahlaaye,

📘BAHARE SHARIAT

✅Mas'ala :-

🚨Hajj karne wale par 10wi zilhijja ko 5 gusl hai,

1⃣Muzdalfaa me thaharne,

2⃣Minaa me daakhil hone,

3⃣Jamre par kankariyaan marne,

4⃣Makke me daakhil hone,

5⃣KA'ABA SHAREEF me Tawaaf karne ke liye gusl hai,

✨Jabki 3, 4, aur 5. Yeh Teen Peechhle kaam bhi 10wi hi ko karein aur Juma'a ka Din hai to Juma'a ka gusl karein Aise hi agar Arfa ya Eid juma'a ke din pade to yahan walon par 2 gusl hai,

✅Mas'ala :-

🚨Jis par chand gusl hon sab ki niyat se gusl kar liya to sab adaa ho jayenge aur sabka sawaab milega.

📘BAHARE SHARIAT

✅Mas'ala :-

✨Agar kisi par Gusl wajib ho aur usne abhi Gusl nhi kiya hai aur isi beech use haiz Shuroo ho gaya to chahe ab Nahaa le ya Haiz khatm hone ke baaad nahaaye use ikhtiyaar hai,

✅Mas'ala :-

🚨Agar kisi par Gusl wajib ho aur woh Juma'a ya Eid ke din Nahaaya aur juma'a aur eid Wagairah ki niyat kar to sab adaa ho gaya aur usi gusl se Juma'a aur Eid ki namaaz padh sakta hai.

📘BAHARE SHARIAT

✅Mas'ala :-

✨Aurat ko Nahaane ya Wuzoo ke liye Pani khareedna padhe to Uski Qeemat Shouhar ke jimme hai jabki Aurat par Wuzoo aur Gusl wajib ho ya badan se meil door karne ke liye nahaaye.

📘BAHARE SHARIAT

✅Mas'ala :-

🚨Jisko nahaane ki zaroorat hai Usko Masjid me jana, Tawaaf karna,

✨Qur'aan shareef chhuna, agarche uska saada hashiya ya jild ya choli chhue, ya bina chhuye  dekh kar pade,

🚨Ya zabaani padna, ya kisi aayat ka likhna ya aayat ka taweez likhna ya aisa taweez chhuna ya aisi anghuthi pahana jisme muqttayaat hon, haraam hai.

✅Mas'ala :-

✨Agar Qur'aan shareef juzdaan me ho to zujdaan par hath lagane me haraz nhi, Aise hi Rumal Wagaira kisi kapde se pakadna jo na apna taabe ho na qur'aan ka to jaiz hai,

🚨Kurte ki aasteen, dupatte ke aanchal se yahan tak ki chadar ka ek kona uske monde par hai to dusre kone se chhuna haraam hai q ki yeh sab uske taabe hai aur choli qur'aan shareef ke taabe hai to uska chhuna haraam hai..

✅Mas'ala :-

✨Jis par Gusl wajib hai use chahiye ki nahaane me der na kare hadees me hai ki jis ghar me junubi (Napaak shakhs chahe jo koi ho aurat mard etc) ho usme rahmat ke firishte nhi aate aur agar itni der kar chuka ki namaaz ka aakhiri waqt aa gaya to fouran nahaana farz hai q ki agar der karega to gunahgar hoga,

🚨Aur agar khana khana chahta hai ya aurat se jimaa karna chahta hai to wuzoo kar le ya hath dho le ya kulli kar le aur agar waise hi kha pee liya to gunah nhi magar makrooh hai aur muhtaajee lata hai aur bina nahaaye ya bina wuzoo kiye jimaa kar liya to bhi gunaah nhi magar jisko ihtilaam hua ho bina nahaaye use aurat ke paas jana na chahiye.

📘BAHARE SHARIAT

✅Mas'ala :-

✨Ramzaan me agar Raat ko junub hua to acha yehi hai ki Farz tuloo hone se pahle Nahaa le taki Roze ka har hissa janaabat se khaali ho,

🚨Aur Agar nhi nahaaya to bhi Roza ho hi jayega magar acha yeh hai ki garara kar le aur naak me jarh tak pani chadha le,

✨Yeh 2no kaam farz se pahle kar le ki Roze me na ho sakenge aur nahaane me itni der kar di ki din nikal aaya aur namaaz qaza kar di to yeh aur dinon me to gunaah hai hi,

🚨Ramzaan me to aur zyada.

📘BAHARE SHARIAT

✅Mas'ala :-

🚨Be wuzoo ko Qur'aan majeed ya uski Aayat ka chhuna haraam hai, Bina chhuye zubani dekh kar pade to haraz nhi,

✅Mas'ala :-

✨Rupye par Aayat likhi ho to us sabko yani be wuzoo walon jin par Nahaana zaroori hai aur haiz aur nifaas waliyon ko uska chhuna haraam hai,

🚨Haan thaili(PLATE) me hon to thaili Uthana jaiz hai,

✨Aise hi jis Bartan ya Glass par surah ya aayat likhi gai ho uska bhi chhuna haraam hai aur uska istemaal sab Makrooh magar jabki khaas sifaa ki niyat ho.(Sifaa ke liye glass ho to jaiz hai)

✅Mas'ala :-

🚨Agar Qur'aan ki aayat duaa ki niyat se ya tabarruk ke liye pade jaise

BISMILLAH HIR RAHMANIR RAHEEM

✅Tarjuma :

✨ALLAH KE NAAM SE SHURE JO BAHUT MEHARBAN RAHMAT WALA,

🚨Yaa ALLAH T'ALA ka shukr adaa karne ya chheenk ke baad pade,

ALHAMDULILLAHI RABBIL A'ALAMEEN

✅Tarjuma :

✨SAB KHUBIYA ALLAH KO JO MALIK SAARE JAHAN WALON KA,

🚨Yaa pareshani me

INNA LILLAHI WA INNA ILEHI RAJI'OON,

✅Tarjuma :

✨HUM ALLAH KE LIYE HAIN AUR HUMKO USSI KI TARAF FIRNA [WAPAS HONA] HAI,

🚨Yaa aaytul kursi ya surah e hashr ki peechhli 3 aayatein pade, Aur sab sooraton me Qur'aan shareef padne ki niyat na ho to kuch haraj nhi

✨Jabki napaaki ki haalat me ho, aur paaki me yeh sab jaiz hai wuzoo me Qur'aan ka chhuna jaiz, bewuzoo haraam hai,haan dekh kar bina chhuye zubani padi to jaiz hai

🚨Aise hi 3no qul bagair qul ke ka lafz shamil karke nhi pad sakta (napaaki me) agarche sanaa (tareef) hi ki niyat se ho q ki is surat me unka qur'aan hona tay hai isme niyat ko kuch dakhil nhi.

📘BAHARE SHARIAT

✅Mas'ala :-

✨Qur'aan shareef ka Faarsi, Urdu, Hindi ya aur Kisi Zubaan me Tarjuma ho to uska bhi chhone ka wohi hukm hai jo Qur'aan shareef ka hai, (yani napaak aur be wuzoo ko qur'aan shareef ka chhoona haraam hai)

✅Mas'ala :-

🚨Qur'aan shareef dekhne me un sab par kuch harz nhi Agarche Huroof par nazar padhe aur Alfaaz soojh me Aayein aur khayaal me padhe jayein,

✅Mas'ala :-

✨Aur un sab ko fiqh, Tafseer aur Hadees Shareef ki kitaabon ka chhona Makrooh hai aur agar unko kisi kapde se chhona chahe agarche usko pahne ya aodhe hue ho to haraz nhi magar un kitaabon me aayat k jagah hath rakhna haraam hai,

✅Mas,ala :-

☑Touraat,

☑Zaboor,

☑Injeel

🚨ko be wuzoo ya napaaki ki haalat me padhna aur chhoona makrooh hai,

✅Mas,ala :-

✨Durood shareef aur duaao ke Padhne me Unhe kuch Harz nhi magar yeh ki Wuzoo ya kulli kar ke padhe,

✅Mas,ala :-

🚨Un sab ko azaan ka jawab dena jaiz hai.

📘BAHARE SHARIAT

*MUSANNIF:(SARKAR SADUSHARIAH MUFTI AMJAD ALI QADRI RAZVI RADIALLAHU TALA ANHU)*

*ZERE NAZRE SANI NAWASA E SARKAR MUFTI E AZAM E ISLAM HUZOOR SIRAJ RAZA KHAN QADRI NOORI WAHIDI MADDAZILLAHU NOORANI.*🌹

THE END