HAA HUM SUNNI HAI

[Atiq Husain Khan]

🌐HAA HUM SUNNI HAI🌐

Allah ta'ala ki rehmato ka nuzul ho Raha hai or fiza'o me magfirat e khudayi k badal mandra rahe hai dilo ki khetiyan sar sabz wa shadab he maathe khule huye or chehre khile huye hai. Hamara nya mauzu bada asaasi or kaleedi mouzu he is ko bayan karna or sun'na hum par lazim hai hum jo aqeedah rakhte hai hame is ka pata hona chahiye or un haqaa'yiq ko har waqt samne hona chahiye.Hum kisi k bare me ye nhi batana chahte ki wo kon hai hum apne bare me bata rahe he ki HUM KON HAI ye hamara haq hai or ye hame har jagah bayan karna chahiye.

HAA HUM SUNNI HAI...Ye mouzu yaqinan latafato se labrez hai yaqinan is me aesi chandni hai ki shayad chand me bhi aesi chandni nhi is k andar is qadar chamak hai ki itni chamak chamakte aaftab me bhi nhi. Or is mouzu me wo khushbu hai ki jo khushbu kisi mehakte phool me bhi nhi ye qayenat ka wo ek nagama hai jise har darakht ka patta bhi gata hai or registan ka har jarra bhi ulaapta hai.Ye fiza'o k sannato ka bhi naara hai or dariya'o ki rawani ka bhi nagma hai ye paigam farishto ka bhi hai or ye paigam arshiyo ka bhi hai.

Allah ta'ala Quran e Karim me Surah Al Aeraaf ki Aayat no. 181 me farmata hai...

وممّن خلقنا امّة یھدون بِالحق وبھِ یعدلون

" MERI MAKHLOOQ ME SE JIN KO MAINE PAIDA KIYA IN ME SE EK JAMAAT AESI JAMAAT HAI JO HAQ BOLTI HAI, HAQ BATATI HAI, OR FIR US K SATH INSAF KARTI HAI "
Allah ta'ala apne bando me se ek jamaat ki tarif kar raha hai ki wo haq batate hai or fir is k sath insaf karte hai is bar haq jamaat ko "AHLE SUNNAT WAL JAMAAT" se taabir kiya jata hai.

❇ LAFZ AHLE SUNNAT KA PESH MANZAR

Sab se pehle hum lafz Ahle Sunnat k pesh manzar ki taraf aate he chunki hamara mauzu ka jo unwan he wo ye hai ki...HAA HUM SUNNI HAI

"SUNNI " ahle sunnat ka ek mukhaffif (ghataya gya) hai ..or jo sunnat ki taraf mansub ho us ko SUNNI kehte hai, lafz ahle sunnat ka pesh manzar hamare samne hona chahiye ki ye lafz kaha se aaya..Yani ye kahan ki chamak hai jo hamare sino me hai or ye khushbu kis gulshan ki hai jo aaj bhi hamari fikr ko mo'attar kar rahi hai.
❇ QURAN MAJID SE LAFZ AHLE SUNNAT KA PESH MANZAR Lafz Ahle Sunnat ka pesh manzar Quran Majid hi ki khairat hai Rabb e Jul Jalaal Surah Al Imran ki Aayat no. 106 me farmata hai..

" QAYAMAT K DIN KUCH SAFED CHEHRE HONGE, OR KUCH CHEHRE SIYAAH HONGE "

AAYAT KI TAFSEER JUBAN E RISALAT SE Jis waqt Syed e Aalam Sallallaho Alaih Wasallam ne ye Aayat sahaba e kiram رضی اللّه عنہ k samne padhi to Hazrat Abdullah Bin Umar رضی اللّه عنہ is ki tafseer k bare me kehte he ki.. Rasoolullah Sallallaho Alaih Wasallam ne jo is ki tafseer apni juban mubarak se ki wo is tarah thi...

تبیضُّ و جوہُ اھلِ سُنّٙةُ

" QAYAMAT K DIN AHLE SUNNAT K CHEHRE SAFED HONGE "

و تسودُّ و جوہُ اھلِ البِدعةِ

" OR QAYAMAT K DIN AHLE BIDDAT K CHEHRE SIYAAH HONGE "

Durre Mansoor, Jild 2, Safa 291

Syed e Aalam Sallallaho Alaih Wasallam se sanad k sath is tafseer ko riwayat kiya gya he or Hazrat Abdullah Bin Umar رضی اللّه عنہ Sallallaho Alaih Wasallam se sun kar bata rahe he ki...Quran Majid me jo Allah ta'ala ne farmaya he ki qayamat k din kuch logon k chehre chamak rahe honge to ye AHLE SUNNAT WAL JAMAAT k chehre honge jab dusre logon k chehro k chirag gul ho chuke honge or wo murjha chuke honge is waqt bhi allah ta'ala in chehro ko gulab jesi mahak ataa farmayega
HAZRAT ABDULLAH BIN ABBAAS رضی اللّه عنہ KA QAUL

Hazrat Abdullah Bin Abbaas رضی اللّه عنہ ka qaul he wo bhi kehte he..

" QAYAMAT K DIN AHLE SUNNAT WAL JAMAAT K CHEHRE SAFED HONGE "

Durre Mansoor, Jild 2, Safa 291

Sarkar Ala Hazrat radiallahu tala anhu kuch yun farmate hai✨

✏unhe jana unhe mana na rakha gair se kaam. . ..

lillahil Hamd me duniya se Musalmaan gaya🌹💐

______________________________________

Qayamat ka din imtiyaaz ka din hoga aaj to mehfil me mile jule log baith jate he or dil ki chamak ka andajah hum chehro se nhi laga sakte agarche baaz logon k chehre pehchane jate he or pehchan chamak k lihaj se bhi hoti he Lekin bil khusus qayamat k din sare haq walo k chehre yun chamak rahe honge ki pure maidan e hashr me pata chalega ki ye wo log he ki duniya me jin k dilo me imaan ka noor jalwa gar raha he..

Durre Mansoor me ye sab iqwaal maujud he.. Syed e Aalam Sallallaho Alaih Wasallam ki hadees k lihaz se lafz AHLE SUNNAT WAL JAMAAT ek jana pehchana lafz he is ka pesh manzar hadees sharif me bhi he ye hadees sharif Tirmizi Sharif k "ماجاءفعی اِ فتراق ہزہ الا متہ " me maujud he is hadees ko Imaam Tirmizi ne hasan sahih kaha he..

Syeduna Hazrat Abu Huraira رضی اللّه عنہ riwayat karte he ki Rasoolullah Sallallaho Alaih Wasallam ne irshad farmaya...

Yahudi 71 firqo me taqsim ho gye ya 72 firqo me taqsim ho gye or isaiyo k bhi aese hi firqe ban gye
Fir Rasool e Akram Sallallaho Alaih Wasallam farmane lage...Meri ummat 73 firqo me bat jayegi

Ummat me jo iftiraaq ( ikhtalaf) aane wala tha is ki Syed e Aalam Sallallaho Alaih Wasallam ne khabar di or iftiraaq waqey ho chuka he logon ne dekha ki aaj hamare samne mojud he upar bayan karda hadees sharif se pehla hame ye sabak mila ki hamare nabi Sallallaho Ta'ala Alaih Wasallam jo mustaqabil (aage aane wala) khabar dete rahe he sachchi khabar dete rahe he or us waqt Nabi Sallallaho ta'ala Alaih Wasallam ne aaj ki baat batayi thi us waqt jo aaj ki khabar de is ilm ko Allah ki ataa se " ILM E GAIB " kaha jata he..Syed e Aalam Sallallaho ta'ala Alaih Wasallam ne jo kuch baad me hone wala tha wo sab bayan kiya..AHADEES E RASOOL SALLALLAHO TA'ALA ALAIH WASALLAM SE LAFZ AHLE SUNNAT KA PESH MANZAR Rasool e Akram Sallallaho ta'ala Alaih Wasallam ne irshad farmaya...

"WO SARE K SARE JAHANNAMI HONGE SIWAYE EK MILLAT KE "

73 me se 72 jahannam me jayenge or ek in me se jannat me jane wali hogi.. Hum ye alfaz hadees e sahih se bayan kar rahe he is se pata chala ki wo kalma go hazraat jinhone kalma padha he is k baad tafreeq (ikhtelaf) ho gyi or is k baad qisme ban gyi he in me se ek qism jannati he or baqi tamam jahannami he...LEKIN YAHAN PAR EK BADI ZARURI BAHAS HE Ye jo kaha gya ki is ummat me iftiraaq hoga in me 72 jahannami honge or ek millat jannati he or is me ikhtilaf nhi hoga, Ab ye jo jannati milaat he jis me ikhtilaf nhi hoga us se murad ye he ki usooli ikhtilaf nhi hoga firo'yi ikhtilaf ho sakta he AAYEMA ARABIYA AHLE SUNNAT JAMAAT THE
Misal k tor pe hanafiyo,shafiyo,or hanbliyo ka namaz k masayil me ikhtilaf he to hanafi, shafayi, hanbli, ye koi 72 firqe me se nhi he balki ye ahle sunnat wal jamat k sho'aba jaat he Ye juda juda firqe nhi he ye tamam aqeede k lihaz se ahle sunnat wal jamaat he or in me ikhtilaf bhi he magar ikhtilaf usool ka nhi he wo chand firo'yi masayil ka he Lihaza 72 k sath is ek millat ka ikhtilaf usooli hoga or wo 72 jahannami honge in me se ek jannati hoga ek firqa jannati wo ahle sunnat wal jamaat he is k andar jo kuch fiqhi tor par kuch mubaahis me aapis me ikhtilaf he, is ko ye hadees iftiraaq nhi kah rahi he is ko usooli tor par ikhtilaf nhi kaha ja sakta firo'yi masayil me ikhtilaf he..FIRO'YI IKHTILAF ALLAH KI REHMAT HE Jis k bare me Rasoolullah Sallallaho ta'ala Alaih Wasallam ne farmaya..

اختلاف امّتی رحمتُ

MERI UMMAT KA IKHTILAF REHMAT HE

(Kanzul Umaal : 28686)

Syed e Aalam Sallallaho ta'ala Alaih Wasallam ne jab ye lafz irshad farmaye...

" SIWAYE EK MILLAT K SARE K SARE JAHANNAMI HONGE "Sahaba Kiram رضی اللّه عنہ ne arz ki " YA RASOOLULLAH SALLALLAHO TA'ALA ALAIH WASALLAM!! WO MILLATE WAHIDA KON SI JAMAAT HE IN KI ALAAMAT KYA HE " Is par Huzur Sallallaho ta'ala Alaih Wasallam farmane lage...

" ما انا علیہِ و اصحابی "

" IN KI PEHCHAN YE HE KI IN KA WAHI RASTA HOGA JO MERA OR MERE SAHABA E KIRAM KA RASTA HE "

Tirmizi Sharif, Hadees no. 2640

In ki wahi pehchan hogi or in ka wahi aqeedah hoga jo mere sahaba ka aqeedah he Rasoolullah Sallallaho ta'ala Alaih Wasallam ne is jamaat ki " ما انا علیہ واصحابی " alaamat bayan ki he..ALLAH TA'ALA NE YE ALAAMAT MUHADDISIN, MASHAYEKH, AULIYAH YA ALAMAH KO HI NHI BALKI HAR SUNNI KO YE ALAAMAT ATAA FARMAYI HE..
TA'BEYIN K NAJDEEK LAFZ E AHLE SUNNAT KA PESH MANZA agar taarikh me dekh le to bade bade hamare muhaqqiqin or aayema arbaiya wa auliyah in sab k haa ye lafz mutaaruf (mash'hoor ) he or sab is pe qayem he...

Hazrat Muhammad Bin Abdul Karim Shaharsitani, Imam Nasar Bin Muhammad Rehmatullah Alaih, Hazrat Shaikh Abdul Qadir Jilani Rehmatullah Alaih, Shahabuddin Khafafi Rehmatullah Alaih wagairah wagairah apne aap ko Ahle Sunnat kehlwate rahe or is lafz ko bolte rahe.

Huzur Gaus e Aazam Rehmatullah Alaih ki taraf mansoob Gunyatul Talibin k Safa 121 par Gause Aazam Rehmatullah Alaih ka qaul maujud he...
Hazrat Gause Paak Rehmatullah Alaih farmate he... WO FIRQA NAJIYA AHLE SUNNAT WAL JAMAAT HE

Shahabuddin Khafafi Rehmatullah Alaih apni kitab " Nasim Ul Riyaz Sharah Shifa " me farmate he...
IN FIRQO ME SE NIJAT WALI EK HI JAMAAT HE OR WO AHLE SUNNAT WAL JAMAAT HE

AHLE SUNNAT WAL JAMAAT KI KYA SHAAN HE
" WO JAMAAT JO KITAB YANI QURAN MAJID SE BHI APNA TA'ALUQ QAYEM KIYE HUYE HE OR SUNNAT E NABWI SALLALLAHO TA'ALA ALAIH WASALLAM SE BHI APNA TA'ALUQ QAYEM KIYE HUYE HE IS BUNIYAD PAR IN KO AHLE SUNNAT KAHA JATA HE "
Nasim Ul Riyaz, Jild 4, Safa 154
Mulla Ali Qari Rehmatullah Alaih farmate he..." Is me koi shaq nhi ki yaqinan jin ko Mehboob Alaih Salam ne aqeede ki buniyad par jannati kaha he wo tabqa or wo jamaat AHLE SUNNAT WAL JAMAAT he..."
Mirqat Ul Mufaatih, Jild 1, Safa 248

SUNNI KON HE?
yahan se ye bhi malum ho gya ki sunni kon hota he
ما انا علیہ و اصحابی
Ye hamare Nabi Sallallaho ta'ala Alaih Wasallam ka jumla he or fir is k sath wajaahat ho gyi ki wo sunnat or jamaat dono k sath muta'aluq hote he
Rasool e Akram Sallallaho ta'ala Alaih Wasallam or sahaba kiram رضی اللّه عنہم اجمعین wala tariqa in logon k paas maujud hota he ye is tabqa ki shan he ki jin k aqeede ki buniyad par Allah ta'ala ne mehboob Sallallaho ta'ala Alaih Wasallam ki juban mubarak se jannati hone ka aelan karwa diya..
SUNNI KEHALWANA KYUN ZARURI HE ??
Is silsile me bhi log Quran Majid ki Aayat padhte he..

ھُو سمّٰکم المسلمین

" Allah ne tumhara naam musalman rakha he "

Surah Hajj, 78

Yani bas musalman kehalwana kafi he ahle sunnat kehalwane ki koi zarurat nhi he Kuch to kehte he zarurat hi nhi, kuch kehte he jayez hi nhi, or kuch kehte he hame koi kahe to hame wahashat hoti he.. Hum is baat ko wajeh karna chahte he ki ahle sunnat kehalwana baaz auqat farz hota he...Hamara dusre deeno ke muqable me international taaruf he yahood or nasara k muqable me hamara naam muslim or momin he or apne ghar me jis waqt islam ki chatri k niche kuch galat log aabad ho gaye
or unhone kaha ki hamari chatri me imaan he to in logon se or in choro se apne aap ko mumtaz karne k liye ki hum chor nhi hum asal deendar he hum ne is kalme ki chatri k niche apni pehchan karwayi ki kuchlog is chatri me chupe huye he hamara or inka farq he is waste HUM NE APNE AAP KO AHLE SUNNAT kehlwana shuru kar diya.
Ye baat hadees sharif me maujud he jis se pata chalega ki kahan se imtiyaaz zaruri ho gya tha... ek hoti he firqa waarit or ek hota he imtiyaaz.. Firqa waarit buri cheez hemagar haq wa batil ka nikhar lazim he or khote sikke ki pehchan sunnat e ilahi he Allah ta'ala Quran Majid me irshad farmata he...

" ALLAH MUSALMANO KO IS HAAL PAR CHODEGA NHI JIS PAR TUM HO JAB TAK JUDA NA KAR DE GANDE KO SUTHRE SE "

Surah Aale Imran, 179

Masjid e Nabwi Sharif me 2 qism k log maujud the ek dil se bhi maante the or juban se bhi maante the, dusre sirf juban se maante the jab sirf juban se maan'ne walo ne Nabi Sallallaho ta'ala Alaih Wasallam ki ilm e gaib par aetraz kar diya to Allah ta'ala ne farmaya...HUM IN KO MASJID ME NAMAZ NHI PADHNE DENGE IN KO MASJID SE NIKALENGE, AE MEHBOOB SALLALLAHO TA'ALA ALAIH WASALLAM IS MASJID ME WO NAMAZ PADHEGA JO TUMHARI SHAN KO MAANEGE IS MAUQE par ALLAH ta'ala ne farmaya .......

" HUM PAAK OR PALID KO JUDA JUDA KARK CHHODENGE "

Ye firqa warit nhi ye Quran Majid ka hukm he or sunnat e ilahi he is rosh ko le kar hum aage chal rahe he ki Allah ta'ala nekhud un logon ko jin par is waqt Momin ka lafz bola jata tha farmaya...IN ME SE KUCH GANDE LOG HE OR KUCHSUTHRE HE , SUTHRE SAHABA KIRAM HE OR GANDE MUNAFIQ HE, LIHAZA INKO MASJID SE NIKALA JAYE
Ye jo imtiyaaz Allah ta'ala ne kiya, is imtiyaaz k pesh nazar hamari ye guftagu he, hum apne aap ko AHLE SUNNAT WAL JAMAAT kehalwa k apna imtiyaaz karwana chahte he ki hum wo nhi he ki juban se kalma padhe or dil me adaawat bhi rakhe hum andar bahar se puri tarah in ko maan'ne wale he..

Hazrat Yahya Bin Yamar رضی اللّه عنہ kehte he...
" PEHLA BANDA JIS NE BASRAH ME QADAR K BARE ME BAAT KI WO MA'ABAD JUHNI THA "
Sahaba kiram علیھ رضوان ka jamana tha ek qadriya (قدریہ ) firqa paida ho gya in ki surat e haal kya thi, wo namaz padhte the, roza rakhte the, hajj adaa karte the, jakaat dete the, Quran ka dars dete the, hadees ka bayan karte the,In ka koi mu'amla nhi tha ki dekhne wala ye kah sake ki in me koi kami maujud he. Koi kami nhi thi, sab kuch mukammal tor par baja lane wale the balki hadees sharif me he ki wo ilm k bade daldadaah the din raat dars e Quran or din raat nekiyon ki dawat diya karte the
Lekin inke bare me ye kaha gya ki ye qaum sahi nhi he balki galat he, padhte to لا الہٰ الا اللّه محمّد رسول اللّه he lekin taabe'yin رضی اللّه عنہ ne kaha ki kahi se jaa kar in ka farq karwana chahiye, Yahya Bin Yamar رضی اللّه عنہ sahaba kiram se farq karwana chahte he kehte he.. " hum basrah me rehte he, hame musibat pad gyi he, hamare paas ek qaum paida ho gyi he Quran bhi inke paas he, namaz, roza, jakaat, wagairah sab kuch in k paas he, lekin he wo parle darje k mardud. Hum jaye to kidhar jaye koi farq ka pata hi nhi chal raha ki khota kya he kharaa kya he , jhootha kon he or sachcha kon he...Yahya Bin Yamar رضی اللّه عنہ kehte he.. Mai or Hamid Bin Abdul Rehman hajj karne k liye Makka Sharif gye, hum ne kaha ki kash koi Rasool e Akram Sallallaho ta'ala Alaih Wasallam ka sahabi mil jaye,Hum un se in k bare me puchenge ki wo in logon k bare me kya kehte he, hame Abdullah Bin Umar رضی اللّه عنہ masjid me dakhil hote huye mil gye Hum ne Abdullah Bin Umar رضی اللّه عنہ ko ghere me liya or kaha.. Ae Ibn Umar رضی اللّه عنہ ye hamara mas'ala hal karo hum ne unhe in logon k bare me bataya..Hamare Yaha kuch log zahir huye he wo Quran majid padhte he Quran ko maan'ne wale he is ki tilawat karte he or Quran majid k bade aashiqe he padhate bhi he... Magar wo log ye kehte he ki hum taqdeer nhi maante
Yani in ka ye aqeedah he ki jab koi waqiya ho jaye to jese hum ko pata chalta he aese hi rab ko bhi pata chalta he.. LEKIN HAMARA TO YE AQEEDAH HE KI ALLAH TA'ALA KO AJAL SE SAB KUCH PATA HE, Ye in logon ki kharabi thi jis ki buniyad par sahaba kiram ne is ko bardasht nhi kiya na inka kalma dekha, na inki namaz dekhi, or na inka roza dekha or na inka hajj dekha.

Hazrat Abdullah Bin Umar رضی اللّه تعالیٰ عنہ k samne un logon ki alaamate bayan ki gyi to unhone kisi chhij ko nhi dekha balki unhone foran apna fatawa diya..
" MUJH SE PUCHNE WALO JAO OR JAB K TUM IN SE MILO IN KO KEH DO KI IBN UMAR ( رضی اللّه تعالیٰ عنہ ) NE TUM SE BE JAARI KA AELAAN KAR DIYA HE "
Chunki is waqt in ki haisiyat aesi thi ki shirq o gurub tak in ka fatawa chalta tha in ka matlab basrah wale khwah ma khwah in ka naam istemaal na karte rahe.. Mai sahabi hun maine saffa pe baith kar padha he or mujhe pata he ki chor ki chori se baraat karna lazim ho jata he
Jao un se keh do mera aese tohid parasto se koi ta'aluq nhi he jo mere rab ki taqdeer ko nhi maante, mai un ki namaz ko namaz nhi samjhta, mai un k roze ko roza nhi samjhta, Mai un k hajj ko hajj nhi samjhta... Jao un se keh do mera un k sath koi ta'aluq nhi or unka mere sath koi ta'aluq nhi...
Dono lafz Hazrat Abdullah Bin Umar رضی اللّه تعالیٰ عنہ ne bol diye he ki mai in se bari hun wo mujh se bari he... Jis waqt aap ne ye lafz bole to sath hi farmaya...
" WO BAAT JO MAI HALFIYA KEH SAKTA HUN WO YE HE AGAR IN QADRIYON (قدریوں) ME SE EK BANDE K PAAS UHAD PAHAD JITNA SONA HO OR FIR WO IS KO ALLAH KI RAAH ME KHARCH KARE TO ALLAH TA'ALA IS SE QUBUL NHI KAREGA YAHAN TAK KI WO QADR KO MAAN LE "

Yani aap farmate he ki agar wo taqdeer k mas'ale k auz me uhad pahad jitna sona bhi le kar aa jaye to Allah ta'ala is k us uhad pahad jitne sone ko qubul nhi karega yahan tak ki wo taqdeer par imaan le aaye. Kyun?? Is waste ki unhone zaruriyat e deen me se ek ka inkar kar diya.. Zaruriyat e deen me se jab koi ek ka bhi inkar kar de to baqi sari chhije manfi ho jati he ek bandah din me hajar sajdeh rab ko kare or sham ko ek sajdah but ko kar de to kya hajar ka koi fayedah rah jayega?? Sab kuch khatam ho jayega, pani fir jayega Aese hi jis ne usool e deen me se kisi ek ka bhi inkar kar diya to uska deen, deen nhi he... Hazrat Abdullah Bin Umar رضی اللّه عنہ ne us waqt in se barat ka elan kar diya ki un se hamara koi ta'aluq nhi he Is anqata'a ta'aluq ko jis waqt logon me raayez kiya gya to wahan se haq walo ne apne aap ko AHLE SUNNAT WAL JAMAAT kehalwana shuru kar diya.. Ba zahir kalme ke lihaz se to koi farq nazar nhi aaya halaanki wo jahannami hain. Isi tarah jo digar gumraah firqe paida ho gye hain kalma padhne waalo me se aise log paida ho gye jo jhoote the Ghalat the, deen ke chor the ab in se apne aap ko bari zahir karne k liye mo'taqaddamin ne apne aap ko AHLE SUNNAT WAL JAMA'AT kehalwana shuru kar diya Ye asal wajah hai ki AHLE SUNNAT kehlwana kyun zaruri hua. Agar sahaba se le kar hamare islaaf imtiyaaz paida na karte to islam ko kitna nuqsaan ho jata ye sab k Zimme lag jata ki musalmano ka aise hi aqaaid hote hain
Jis waqt is lamha mat'aqaddamin ne imtiyaaz shuru kar diya or apne aap ko " AHLE SUNNAT WAL JAMA'AT " Kehalwaya to pata chal gaya ki ye aqaid dusro k hain..Aur bikul isi tarah se aaj jab wahabhi deobandi ahle hadees yani ahle khabees khudko haqgo batate hain...Dehka ja raha hai wahabhi khudko sunni keh raha hai..ahle sunnat jama'at Waala keh raha hai...jisse sunni sahi Ul aqeedah ke imaan Ko khatra hai.....To ab is daur me Ulama e kiram mashaikh e izaam ne apne aap ko maslak e A'ala hazrat Waala kehna shuru kardiya....Jisse ab hum sunni sahi ul aqeedah usi ko manenge Jo A'ala hazrat Radi Allahu Ta'ala Anhu ke bataye hue raste pe chalega ...
Musalman, jin ko sawad e aazam kaha jata he or AHLE SUNNAT WAL JAMAAT kaha jata he.. Wo Allah ta'ala ki taqdeer ko maan'ne wale he or rabbe zul jalal ki baqi sari sifaat ko apne dil o jaan se taslim karne wale he upar me bayan karda ek hawale se yaqinan aap ko andajah ho gya hoga ki kalma se ta'aruf kafi na raha balki aese kalma go behrupiye logon se imtiyaaz k liye ek majeed ta'aruf banaya gya or wo Rasool e Akram Sallallaho ta'ala Alaih Wasallam ki hadees sharif k andar maujud tha fir is ko rayez kar diya gya. Hazrat Imaam e Aazam رضی اللّه تعالیٰ عنہ ka qaul he aap farmate he..

" AGAR KOI BANDAH ZULM SE MUHABBAT KARTA HE TO WO ZALIM SE MUHABBAT KARTA HE OR AGAR KOI HAQ SE MUHABBAT KARTA HE TO HAQ WALO SE MUHABBAT KARTA HE OR INKA MADAD GAR BAN JATA HE "

Is jumle k bare me logon ne kaha ki Imaam sahab apne alfaaz me ye waajeh kar rahe he ki jab zulm shuru ho gya ki kahi ta'atil yani mu'attalaa ( bekar) firqe jo Allah ta'ala ko mu'attalaa maante he or kahi tajseed jo Allah ta'ala ka jism maante he ..aese qaul kiye ja rahe he..Agar imaan walo tumhara pyar ahle sunnat se he to fir ahle sunnat k sath ho jao... Lafz ahle sunnat apne upar istemaal karo, ahle sunnat kehalwa'o, jab tum haq walo se pyar karte ho to fir apne aap ko haq walo k palade me shumar bhi kiya karo..Hazrat Imaam Biyaazi Alaih Rehma ne apni kitab Ishaaraatul Maraam Min Ibaaraatul Imaam k safa 43 par ye likha he.. Jis waqt Imaam e Aazam Abu Hanifa رضی اللّه تعالیٰ عنہ ne apne is risale me keh diya..

" jaan lo k sab se achchi chhij jo tum ne khud padhi or logon ko padhate ho wo sunnat he "

Is ki wajahat karte huye Imaam Biyaazi Alaih Rehma ne kaha... IS ME ISHARA IS TARAF HE KI APNA NAAM AHLE SUNNAT RAKH LO. Imaam e Aazam yani taabeyin k jamane se is lafz ki fir wazahat shuru ho gyi or jahan tak naam ka ta'aluq he to Quran Majid me Allah ta'ala ne irshad farmaya... " ALLAH TA'ALA NE TUMHARA NAAM MUSALMAN RAKHA HE Hum is naam ko reject nhi karte, thukraate nhi he.. Musalman hamara waqar he lekin ta'aruf waqt waqt k lihaz se hota he kabhi bahut bada ta'aruf kaam nhi deta kyun ki us waqt dusre ta'aruf ki zarurat hoti he is ki wajeh misal tirmizi Sharif ki hadees me he...Tirmizi Sharif me he..

" Hamare mehboob khade ho gye hamd sana k baad pucha ae mere sahaba kiram! Mai kon hun?? 

Sahaba ne jawab diya... Aap Allah k Rasool he..

Rasool e Akram Sallallaho ta'ala Alaih Wasallam ko Rasool kehna, hamesha kaha jata tha or hamesha kaha jata he lekin us din kuch pesh manzar or tha is jalse k muzu ka sabab or tha piche tehreeq koi or thi..

Sarkar Sallallaho ta'ala Alaih Wasallam ne is jawab par iktafaa nhi kiya balki apna jawab diya, farmaya...Mai Muhammad hun, Abba Jaan Abdullah (رضی اللّه تعالیٰ عنہ ) he, Dada Jaan Abdul Mutallib (رضی اللّه تعالیٰ عنہ ) he

Tirmizi Sharif, Hadees 3608

Ab Allah ta'ala to Quran me Rasool e Akram Sallallaho ta'ala Alaih Wasallam k bare me farmaye...MUHAMMAD ALLAH K RASOOL HE

Surah Fatah 29

Ab ta'aruf k liye " انت رسول اللّه " kafi tha, lktafaa kar jate ki sahaba tumne mujhe wo kaha jo mera rab kehta he lekin aaj mujhe ek or ta'aruf ki zarurat he munafiqin ne mere gharane par tanqeed ki he..To mai unhe batana chahta hun ki mai Muhammad Rasoolullah hun to fir bhi azeem hun or Muhammad Bin Abdullah hun to fir bhi azeem hun..
Ab jo hamare mehboob Sallallaho ta'ala Alaih Wasallam ka international ta'aruf he محمّد رسول اللّه (Sallallaho ta'ala Alaih Wasallam) is k hote huye bhi nye ta'aruf ki zarurat padi or is ko jayz samjha gya or Nabi e Karim Sallallaho ta'ala Alaih Wasallam ne khud apni juban mubarak se bayan kiya. Is waste hame bhi qurani ta'aruf se inkar nhi he hum musalman he momin he. Magar jab kalma taiyaba padh kar bhi gumraah karne walo se juda shinakht ki zarurat he to hame SUNNI bhi kehalwana padega ye waqt ki zarurat he ye YE QURAN O SUNNAT SE HAMARI DALIL HE..

Jam e Tirmizi Sharif me Rasool e Akram Sallallaho ta'ala Alaih Wasallam ne wajeh tor par ye irshad farmaya jis ka mafhum he ki log mujhe sirf Rasool keh kar hi azeem na samjhe mere abba jaisa kisi ka baap nhi he or mere dada jaisa kisi ka dada nhi he fir apna pura nasab bayan kar diya..

" LOGON! IS DUNIA ME MERI ZAAT TO ZAAT RAHI MERE GHAR JAISA KISI KA GHAR NHI BANAYA " Ab in alfaz k sath yani محمّد رسول اللّه (Sallallaho ta'ala Alaih Wasallam ) k sath aap ka ta'aruf karwaya gya to ta'aruf kafi tha or bada ta'aruf tha lekin dusre ta'aruf ki chunki zarurat thi is waste wo karwaya gya. Aese hi hum musalmaan he momin he lekin jis waqt aesi gad-bad huyi to us waqt ye farz ho gya ki hum apni shinakht is lihaz se bhi karwaye jis lihaz se shuru se shinakht ki ja rahi he..Yahan ek baat sufiyah k lihaz se bhi bayan karna chahta hun... Hazrat Gaus e Aazam رضی اللّه تعالیٰ عنہ se badh kar sufi kon hoga, aap se bada wali kon hoga, aap ne khud farmaya..

" NIJAAT WALO KA NAAM AHLE SUNNAT WAL JAMAAT HE "

Gunyatul Talibin, 121

Ye naam Gaus e Aazam رضی اللّه تعالیٰ عنہ ne zaruri samjha agar ye naam jayz na hota to Hazrat Gaus e Aazam رضی اللّه تعالیٰ عنہ kyun lete agar iska istemaal qabee'h hota, quran o sunnat k khilaf hota to Gaus e Paak رضی اللّه تعالیٰ عنہ kyun aesa karte. Unhone kaha ki nijaat wale AHLE SUNNAT WAL JAMAAT he..

Khitta paak o hind me sajdo k beej bone wale Hazrat Data Ganj Baksh رضی اللّه تعالیٰ عنہ apni kitab Kashful m'ahjoob me, jis waqt imaan ka mas'ala bayan karte he ki imaan tasdeeq e qalbi ka naam hota he juban se iqraar kiya jata he, iska bayan karte huye farmane lage..

" YE SARE AHLE SUNNAT WAL JAMAAT KA ITTEFAAQI AQEEDAH HE "

Hazrat Data Ganj Baksh رضی اللّه تعالیٰ عنہ ko jis titel ki zarurat he hum us se be niyaz kese ho sakte he Aap agar apne aap ko AHLE SUNNAT kehalwaye to wo kisi tarah tanga nazar nhi to hum kese honge, wo jis raste par chal kar wali bane he or jannati he hum ne to usi raste ko AHLE SUNNAT WAL JAMAAT samjha he..
Lihaja Sufiya e Kiram is raste par chale he or unhone apne ko Ahle Sunnat kehalwaya he.. Ye ahle sunnat ka shuru se le kar aaj tak sha'ur raha he ye lafz baa qayedah bola jata raha, Lihaja un logon ki soch galat he jo ye kehte he he ki deen dariya he or maslak behti nahare he logon ne dariya ko chhod kar naharo ko bachana shuru kar diya unhone hamare firqe ko nahar kaha hamari jamaat ko nahar kaha..

Mai kehta hun ki hum nahare nhi balki samandar he.. Hum wo samandar he ki jis ko islam bhi kaha jata he or aaj usi ko AHLE SUNNAT bhi kaha jata he...

Agar deen dariya he or maslak nahare he to fir matlab ye banega ki Gaus e Aazam رضی اللّه تعالیٰ عنہ sari umar nahar par hi baithe rahe dariya ka pata hi na chala... Or Data Ganj Baksh Sahib رضی اللّه تعالیٰ عنہ nahar par hi baithe rahe dariya ka pata hi na chala...

" AHLE SUNNAT NAHAR KA NAAM NHI HE BALKI AHLE SUNNAT SAMANDAR KA NAAM HE IS WASTE KI WALIYO'N NE BHI APNA TA'ARUF ISI NAAM SE KARWAYA HE.. "

Hazrat Mujaddid Alfe saani Alaih Rehma ka qalam jab uth'ta he to kamal karta he.. Mujaddid Alfe Saani Alaih Rehma ko mukhalifin apni kitabo me Syedul Taayefa likhte he ki sare waliyon k sardar Mujaddid he...Wo Mujaddid jo waliyon K sardar he in ki baat bhi to waliyon wali he is ko bhi maan'na chahiye... Aap ne Maktubaat e Sharif, jild jajum, safa 72 par farmaya he... " agar logon ko pata na ho to mai batata hun ki jo rasta sahaba ka he usi ko Ahle Sunnat kaha jata he...Sarkar Sallallaho ta'ala Alaih Wasallam ki itba'a jo pakki karte he wo kon he.. AHLE SUNNAT WAL JAMAAT he.. Yehi firqa nijat wala he.. "

Ye baat bhi badi qabil e gor he ki hum ahle sunnat kehalwana laajim samjhte he hum un ko sufi nhi samajhte jo apne aap ko ahle sunnat nhi kehalwate ya ahle sunnat ke maslak ka prachar nhi karte wo sufi kese ho sakte he..

Hazrat Khawaja Ubaidullah Aehraar Alaih Rehma jo bahut bade wali the wo khawaja Ubaidullah Aehraar Alaih Rehma k jin ka jikr Mujaddid Alfe Saani Alaih Rehma ne Maktubaat e Sharif me maktub no. 193, safa 107 par kiya he...Hazrat Mujaddid Alfe saani Alaih Rehma farmate he ki Hazrat Ubaidullah Aehraar Alaih Rehma kaha karte the ki... " Agar log meri sari karamate bayan kare bade bade fazayel bayan kare magar mujhe sunni na kahe to mai kahunga ki unhone meri kharabiya bayan ki khubi bayan nhi ki.. "Hazrat Khwaja Ubaidullah Aehraar Alaih Rehma aage farmate he.. Agar log har lihaz se mujh me kharabiyan ikat'thi kar de, har aeb mujhe lagaye lekin mujhe Ahle Sunnat Wal Jamaat ke sath mosuf kare...Yani mujhe jo kuch wo kahe un ki marzi he jo kahe, magar sath hi mujhe sunni kahe. Sab kuch bayan kar k kahe Ubaidullah Sunni pakka he.Ye in ka andaaz he or apne aap ko SUNNI kehalwana laajim samjha he. Ye inki aajizi wa inkisaari ka andaz he wo khubiyon k markaz he faza'yel ka guldasta he lekin ye samjhana chahte he ki agar hamari khubi bayan karni he to hamare aqeede k lihaz se karo. Ye ahle sunnat ki taabir wa tasreeh he k jis ko waliyon ne bhi apne liye har dor me laajim samjha he..Shaikh Abdul Haq Muhaddis Dehlvi Alaih Rehma ka ye farman ASH'AATUL LAMAAT me maujud he, aap farmate he...


" Badi jamaat ka deen islam he, mazhab AHLE SUNNAT WAL JAMAAT he"

Ash'aatul Lamaat, Jild 1, Safa 141

Ikhtesaar se auliyah wa sufiya k 5 hawale jaat aap k samne maine bayan kiye ab lafz Ahle Sunnat ki definition or wazaahat ki thodi si zarurat he ...

Aap ko ijmaali taarif ka pata chala ki Ahle Sunnat wo hote he jo us tariqe par ho jo sahaba kiram ka he, fir waqt k lihaz se is ta'aruf me izafa bhi hota raha..

Maslan Imaam e Aazam رضی اللّه تعالیٰ عنہ ka jamana tha to pucha gya ki Ahle Sunnat kis ko kaha jata he?? Aap ne farmaya...

"Jo shaks Hazrat Siddiqe Akbar or Hazrat Umar Farooq e Aazam رضی اللّه تعالیٰ عنہ ko baki sare sahaba Kiram se afzal jane or Nabi e Karim Sallallaho ta'ala Alaih Wasallam k dono damad Hazrat Usman or Hazrat Ali رضی اللّه تعالیٰ عنہ ko mehboob banaye or tisre number par wo mojon par masah kare.. Ye tino alaamate jis me payi jaye us ko SUNNI kaha jata he.. "

Chunki in k lihaz se us waqt bagawat ho rahi thi, gaddari ho rahi thi to aap ne ye zaruri samjha ki shaikhen ko samne laya jaye or aap Sallallaho ta'ala Alaih Wasallam k damado ka jikr kiya jaye..Jis dor se gujarte huye Bareilli k taajdar Imaam Ahmad Raza Khan Fazile Bareilvi رضی اللّه تعالیٰ عنہ ne haq par pehra diya he ab is dor me alaamat k lihaz se SUNNI us ko kaha jaye jo ye nara lagaye..

" ISHQ E MUSTAFA SALLALLAHO TA'ALA ALAIH WASALLAM TO IMAAN HE, IMAAN KI JAAN HE, JAAN KA CHAIN HE, OR CHAIN KA SAMAN HE "

Alfaz Ahle Sunnat Wal Jamaat me badi wazahate he... Amumi tor par bandah soche to sunnat se farz ka martaba bada he farayez jyadah zaruri hote he sunnat is k muqable me kam zaruri hoti he, to jo badi zaruri chhij ho naam us k lihaz se hona chahiye tha Yani hamara naam hota Ahle Farz Wal Jamaat lekin hamara naam AHLE SUNNAT WAL JAMAAT he, aese hi sunnat se wajib ka martaba bhi bada he to hamara naam hota Ahle Wajib Wal Jamaat lekin hamara naam ahle wajib wal jamaat nhi he balki AHLE SUNNAT WAL JAMAAT he AHLE SUNNAT WAL JAMAAT hi naam rakhna kyun zaruri he.. Asal me sabab ye he ki lafz sunnat aesa lafz he ki is k siwa koi or lafz is maqam par sari zarurate puri nhi karta kyunki lafz farz farayiz ko shamil he lekin sunnat ko shamil nhi he Yahan lafz sunnat jis maani me bola ja raha he wo sunnat ko bhi shamil he wajib ko bhi shamil he or farz ko bhi shamil he..

Quran majid me jo lafz sunnat aaya he is ka or mafhoom he or farz k muqable me jo lafz sunnat aaya he is ka or mafhum he agar hamara naam ahle quran hota to fir is me bil khusus sunnat ka tajkarah na hota Lekin jo sunnat ka matlab hum le rahe he or jo masha'yekh ne liya he us ka matlab ye hoga ki is sunnat me sunnat bhi he, quran bhi he, jab deen ka sara rasta sunnat kehlta he to wo rasta quran hi he..Lihaja quran bhi sunnat or sunnat bhi sunnat, ye sare ka sara silsila ek lafz sunnat ka he jis ne kuje me dariya ko band kar diya he sirf dariya hi nhi sare samandar ko bhi band kar diya he. Ye wo lafz he jis ne farz, wajib, sunnat, nafal, quran balki sare deen ko apni lapet me le liya he or Allah ta'ala ne hamare saro ko ataa farmaya he...

Rabb e Jul Zalal ka hum par fazal he ki hame ye naam AHLE SUNNAT WAL JAMAAT Sarkar Sallallaho ta'ala Alaih Wasallam ki muqaddas juban se mila he.. Shaikh Abdul Haq Mohaddis Dehlvi Alaih Rehma ne lafz Ahle Sunnat k bare me ek baat ki, wo farmate he..

AHLE SUNNAT KA NAAM AGARCHE MA TA'ARUF BAAD ME HUA LEKIN AHLE SUNNAT USI KO KAHA GYA HE JIS KA AQEEDAH SAHABA KIRAM K AQEEDEH JAISA THA
Lafz Ahle Sunnat maujud to pehle tha lekin mash'hoor baad me huwa jis ko AHLE SUNNAT kaha gya wo purane log the un ka aqeedah purana tha or sahaba kiram k aqeedeh par chala aa raha tha Lihaja is ishare par Quran wa Hadees ki roshni me mai ye kehne me haq bajaanib hun ki sahaba kiram Alaih rizwan ko bhi SUNNI kehte he...Ye naam agarche baad me mash'hoor hua magar haqiqat pehle bhi maujud thi or jo haqiqat pehle maujud ho baad me us haqiqat ka koi or naam pad jaye to pehli haqiqat ko bhi isi naam se hi taabir kiya ja sakta he..Is par mere paas quran majid ki aayat daleel he,

Allah ta'ala ka surah yunus me farman he..

" YANI TUMHARA RAB WO HE JIS NE AASMAN WA JAMEEN KO 6 DIN ME PAIDA KIYA "

Surah Yunus, Aayat 3

Ab baat badi qabile gor he ki 6 din tab honge jab din hoga or din tab banta he jab suraj nikle or dube warna din, din nhi hota, din ki ek hadd he or suraj tab hoga jab aasmaan ho or jab aasman bana hi nhi to fir din kahan se aa gya.. Jabki Allah ta'ala farma raha he ki " tumhara rab wo he jis NE 6 dino me aasman or jameen ko paida kiya"

Jab jameen aasman paida hi nhi huye the to Allah ta'ala din kis ko kah raha he chunki din suraj se banta he suraj aasman par hota he or aasman abhi paida hi nhi hua lekin Allah ta'ala farmata he ki 6 dino me paida kiya...matlab kya bana.. ?

Is ka Matlab ye bana ki jitna waqt jameen wa aasman ko banane me laga to jis waqt din bane to wo waqt 6 dino me taqsim hua agarche us waqt is ka naam din nhi tha musalsal waqt tha magar jab din wali taarif aa gyi ki din is ko kaha jata hai to usi haqiqat ko din se taabir kar diya.
Us waqt agarche is ka naam din nhi tha magar aaj quran us ko din keh raha hai... Aese hi jo haqiqat sahaba kiram Alaih rizwan me maujud thi agarche us waqt urf e aam me iska naam Ahle Sunnat mash'hoor nhi tha, aaj use hi Ahle Sunnat kaha ja raha hai.Is me kitni wazahat maujud hai mai to kehta hun...

YE JAMEEN BHI SUNNI Hai WO AASMAN BHI SUNNI hai,
JALWAH KHOR SHEED SUNNI KEHKASHA BHI SUNNI Hai!
QATRA SHABNAM BHI SUNNI BAAGBAA BHI SUNNI Hai,
LAFZ KI TAASIR SUNNI DAASTA BHI SUNNI Hai
MAAYA MILLAT BHI SUNNI NIGEHBAAN BHI SUNNI Hai,
AHLE SUNNAT K JAYAALO BAANDH LO GAR TUM KAMAR
NAZAR AAYEGA TUMHE TO FIR SARA JAHAN SUNNI HE!

Ye gujaar shaat aap k paas meri amaanat hai in ko aap ne aage pahunchana hai, ye sehat mand tableeg hai ye firqa waareet nhi hai, Balki ye imtiyajaat e ilahi hai sunnat yehi hai is ko humne samne rakha hum ne kisi ko gali nhi di balki quran o sunnat or haqaa'yiq ki daali pesh kar di..Ab ye apna apna muqaddar or nasib hai koi is ko sun kar afsardaah hota hai ya khush hota hai, kisi k dil k darwaje band hote hai ya khulte hai.Kisi k liye andheri raat aati hai ya subah ka suraj nikal aata hai..Ye apni apni kismat hai..Hum sab par ye farz hai ki maujudah jamana me jo andhere chaa rahe hai is mauzu ko bator e khas samajh kar is ki roshni aage failaye taki Allah ta'ala sab ko azre azeem ataa farmaye

√ Post Written By :-
✍ ABDUL KHALIQUE BHAI🌹🌹🌹🌹