Habeeb-e-Khuda ka nazara karoon mein

[Atiq Husain Khan]

Habeeb-e-Khuda ka nazara karoon mein

Dilo jaan unpar nisaaraa karoon mein



Mujhe apni rehmat se to apna karle

Siwa Tere sab se kinaaraa karoon mein



Mein kyun ghair ki thokare khane jawoon

Tere Dar se apna guzaaraa karon mein



Khudara ab aawo ke dam he labo par

Dame wapasi to nazaara karoon mein



Tere Naam par sar ko qurbaan kar ke

Tere sar se Sadqaa utaara karoon mein



Yeh ek Jaan kya hai agar ho karoro

Tere Naam par sab ko waaraa karoon mein



Tera Zikr lab par khuda dil ke andar

Yunhi zindagani guzaaraa karoon mein



Dame wapasi tak tere geet gaoon

Muhammad Muhammad phukaaraa karoon mein



Tere dar ke hote kahan jawoon pyare

Kahan apna daaman pasaaraa karoon mein



Mera Deen-o-Imaan Firishte jo pooche

Tumhari hi jaanib ishaaraa karoon mein



Khudaa aisi Quwat de mere qalam mein

Ke Bad-Mazhabon ko sudhaaraa karoon mein



Khudaa khair se laye woh din bhi Noori

Madine ki galiyan bohaaraa karoon mein